تـقـول أحـبـكـ

تقول احبك ومالحد غيرك وجود
سبحانً ربً سخر الحب واعطاك..
حبً كبير ماله قياس وحدود
تخطى حدود الكون وتعدى مداك..
احبك .. اعشقك .. هيمان.. وابي زود
وابي اكون بدايةً لك وآخر منتهاك..
مرة قصص واجد من سنين وعقود
مثل قيسً وليلى ولااظني خفاك..
ومن كثرحبي شفت حبهم محدود
في كل لمحه احسة يتغذى غلاك..
لامر طاريك افزلة ولو غيري قعود
واشم ريح العطر يفوح بشذاك..
زرعت من الشوق بساتين وورود
وفرشت منها الارض لجل ممشاك..
حركت قلبي بعد ماكان جلمود
واحييت قلبً مات وهذا مبتغاك..
يافيصل اتعبتني ومابقى كود
اجي واتل القلب من داخل حشاك..
ضحكت وقلت الجود من الماجود
تعالي وشوف وش يسوي بي هواك..
لاتتل القلب وخله بالصدر موجود
خله بكيفه ياخل يكتب لك ويقراك..
ادري بحبك يــالغلا انا محسود
وماهمني مادمت ادور له رضاك..
قيس حبك لي احبك فوقه وزود
وادعي من الرحمن يارب يحماك..
لاسمعت صوتك تقول بقلبي رعود
يرجف ويلعب لاقلت لي انا معاك..
والبلا لاشفتك على وجهي تسود
ملامح غريبه لا لمحته بهاك..
خطيت بدمي لك مواثيق وعهود
ارخص لك رقاب بس اشيله شقاك..
هذا بعض الي لك قلبي به يجود
من كثرحبي لك صرت احبه خطاك..
جف القلم وانا ودي اكتب بعد زود
لجل تعرف كم احبك واحلم به لقاك..