لا تخافـين,,

لاتخافين ,, مكانك في عيوني بخير
لاتخافين ,, دامك هنا مابين الضلوع ,,
لاتخافين ,, لازلت لبسمة شفاتك اسير
ولاتخافين ,, ولو كان الوصل مقطوع ,,
( انا )
ماابي غيرك ,,ولو جوني كثير
ولاابي لهم زاد .. لوني مت جوع ,,
( انا )
من عرفتك وحلمي معك توه صغير
كبر حلمي عشانك واصبح له فروع ,,
( انتي )
حب ,, عشق ,, لا لا اكبر كثير
انا اللي لو ترمشين ,, جيت لك طوع ,,
لجل عينك مابه صعب وشي(ن) عسير
لو طلبتي لجل رضاك ,, حبة الكوع,,
قلت لك لبيه ياعيوني ويصير
لاكسر يدي ,, والثمن يالغلا مدفوع,,
رضاك بالدنيا ,, دامني مستخير
استخير واستخير والكف مرفوع ,,
ادعي عسى الايام فينا تستدير
تمشي لي وامشي لك بليا رجوع ,,
وابقى معك وتبقى معي مهما يصير
يااجمل قصيدي انا صرت لك متبوع ,,
( باختصار )
والله انك بقلبي ابد مالك خشير
غبتي شهر,, سنة ,, او غبتي اسبوع,,